झापा , कचनकवल १ फिटिङ गाउँमा गएराति १२:३० बजे जंगली हात्तीहरूको समूहले ठूलो आतंक मच्चाएको छ। ६ वटा हात्तीको समूहले राम प्रसाद किस्कु (जलथलिया बा) को घरमा आक्रमण गरी घर तथा घरभित्र रहेको धान,चामल लगायत सबै सामग्री नष्ट गरेका छन् । यस आक्रमणका कारण उनको घर पूर्ण रूपमा क्षतिग्रस्त भएको छ।
गरिबी बस्तीमा जंगली हात्तीले बारम्बार आक्रमण गर्दै आएको स्थानीयले बताएका छन् । जलथल वनबाट आउने यी जंगली हात्तीहरूले हिजो मात्रै मानवीय क्षति समेत पुर्याएको घटना स्मरणीय छ । यसले स्थानीयवासीलाई झन् त्रसित बनाएको छ ।
स्थानीय बासिन्दाले हात्ती नियन्त्रणका लागि वन कार्यालयलाई पटक–पटक अनुरोध गरे पनि समस्या समाधानमा कुनै प्रगति नभएको गुनासो गरेका छन् । सम्बन्धित निकायले बेलैमा कदम नचाल्ने हो भने मानवीय र भौतिक क्षति अझै बढ्न सक्ने चिन्ता व्यक्त गरिएको छ ।
