बनियानी । कचनकवल विद्यामन्दिर माविले आयोजना गरेको विज्ञान प्रदर्शनी प्रतियोगिता सफलता पूर्वक सम्पन्न भएको छ। कार्यक्रममा आधारभूत र माध्यमिक तहका १२ विद्यालयका स्टलहरू राखिएका थिए। प्रदर्शनीमा विज्ञान विषयका पाठ्यक्रमअनुसार निर्माण गरिएका विभिन्न परियोजनाहरू प्रदर्शन गरिएको थियो।
माध्यमिक तहतर्फ विध्यानिकेतन मावि पहिलो स्थानमा रहँदा, जनता मावि दोस्रो र लप्रदे मावि तेस्रो स्थानमा रहे। यस्तै, आधारभूत तहतर्फ मोति मावि पहिलो स्थानमा रहँदा, उजाला आवि दोस्रो र लक्ष्मी मावि तेस्रो स्थानमा रहे।
कार्यक्रमका प्रमुख अतिथि कालेन्द्र प्रसाद सिंह राजबंशी र विशिष्ट अतिथि पूर्व प्रदेश सभासद बसन्त कुमार बानियाँले विजेता विद्यालयलाई प्रमाणपत्र तथा सहभागी विद्यालयलाई मायाको चिनो वितरण गरेका थिए।
स्थानीय परिकार भक्का को स्वादले प्रदर्शनीलाई थप आकर्षक बनाएको थियो। आयोजकले यस्तो कार्यक्रमले विद्यार्थीहरूलाई विज्ञानप्रति झुकाव बढाउने विश्वास व्यक्त गरेका छन्।
