झापा । कचनकवल गाउँपालिका वडा नम्बर ६ स्थित लक्ष्मी माध्यमिक विद्यालय, बनियानीले दोस्रो त्रैमासिक परीक्षामा उत्कृष्ट प्रदर्शन गर्ने विद्यार्थीलाई विशेष सम्मान गरेको छ। विद्यालयले कक्षा १ देखि १२ सम्मका प्रथम ,द्वितीय र तृतीय स्थान हासिल गर्ने विद्यार्थीहरूलाई पुरस्कार प्रदान गरेको हो।
पुरस्कार वितरण कार्यक्रम विद्यार्थीका अभिभावकहरूको उपस्थितिमा सम्पन्न गरिएको थियो। यसै अवसरमा विद्यालयले सम्पूर्ण विद्यार्थीलाई ग्रेडसिटसमेत वितरण गरेको छ।
विद्यालय प्रशासनको यस्तो सम्मानले विद्यार्थीहरूको पढाइप्रति झनै प्रेरणा जाग्ने विश्वास व्यक्त गरेको छ। साथै, अभिभावकहरूको उपस्थितिले विद्यार्थी र विद्यालयबीचको सहकार्यलाई थप मजबुत बनाउने अपेक्षा गरिएको छ।
